Parera– Selikor ta partisipá ku e kompania ta eksperensiando algun retraso den su skema di rekohé shushi di kas i shushi gròf. Personal di Selikor ta hasiendo su máksimo esfuerso pa aliviá e situashon akí den un tèrmino di tempu kòrtiko.

Selikor ta pidi su diskulpa pa eventual inkonbeniensia ku e kambio den servisio akí por trese kuné i ta pidi su klientenan indulgensia pa e situashon ku a surgi.

E retraso por trese kuné ku tin algun bario ku Selikor lo no alkansá yega pa duna servisio di rekohé shushi di kas riba e dia kustumbrá ni segun e skema publiká pa rekohé shushi gròf.

Nan ta konsiente ku tin algun bario ku ainda no a haña servisio siman pasá i lo duna prioridat na esakinan. Ta e intenshon pa no laga ningun bario keda ku nan shushi. E personal lo traha fin di siman riba djasabra i djadumingu pa finalisá e skema atrasá.

Selikor ta pidi komunidat karga kuné den e dianan akí i ta garantisá ku ta trahando riba solushonnan konkreto pa minimalisá retrasonan den e skema normal. Un biaha mas gerensia ta pidi su diskulpa pa e eventual molèster ku e retraso den servisio akí por trese kuné i ta gradesí komunidat pa nan komprenshon.