Foto den kua por mira kon e bùs a keda despues di e aksidente.

MANAGUA – Outoridat nan nikaragwense a detené Douglas Antonio Orozco Cruz, e shofùr di un bùs di pasahero aksidentá den fin di siman tras di lomba, na un karetera na nort di Nicaragua, den kua 20 persona a pèrdè nan bida, inkluyendo seis menor di edat, i otro 30 mas a resultá heridá.

E aksidente mortal aki a sosodé den ora nan di djasabra tras di lomba, ora un bùs di transporte, ku 70 pasahero abordo, ku ta kubri ruta di Waslala p Matagalpa, a pèrdè kòntròl bahando ku un ekseso di velosidat i drentando den un kurva.

E bùs, kua a aksidentá na Valla Metálica, un brùg ubiká na algun meter promé ku e kurva inisiá i na 130 kilometer nort di Managua, a keda kibrá na dos pida. E tipo di aksidente nan aki ta mashá komun na diferente pais nan den latino Amérika. Esaki ta debí na diferente faktor, entre otro e velosidat haltu, no sigui regla nan di tráfiko, mal kondishon di kaya nan i mal komportashon i siguiente di regla di e shofùr nan.