Di e manera aki Polis a logra di para e vehíkulo den e bario di Baai Klaas ku ta keda banda di Tera Kora.
Willemstad, — Un persekushon ku a kuminsá for di riba e kaminda di Bandá ABou na altura di Daniel a bin terminá riba e kaminda ku ta kondusí pa e bario di Jan Kok ku un detenshon.
https://fb.watch/kNRDKyRSuo/ (Video)
Ayera den oranan di mèrdia vários unidat polisial a sali tras di un vehíkulo ku no kier a para despues ku polis a duna e shofùr órden pa hasi esaki. Tabata riba e kaminda di Bandá Abou na altura di Daniel ku polis a duna shofùr di un vehíkulo e órden pa esaki para pa asina por a hasi un kontròl di tráfiko.
E shofùr no a duna oido na esaki i a hisa velosidat i a sigui kore bai. Mesora polis a sali su tras i a kuminsá ku un persekushon. E vehíkulo a sigui kore den direkshon di Tera Kòrá pero a lora na su man robes di subi e kaminda ku ta kondusí pa Jan Kok na altura di Baai Klaas. Einan e vehíkulo a kore drenta den un hanchi pero a bin pèrdè kontròl pasa basha un kura abou. Esaki a pone ku polis a kore yega mesora i a detené e shofùr.
E shofùr mes a splika ku e no tabata sa ku ta pa un kos chikitu asina ku polis lo bai kore su tras. E la keda detené pa no sigui órden di polis i tambe di a pone bida di otronan den peliger riba kaminda ora e la trata di kore bai laga polis. A pidi presensia di un kran pa asina por a konfiská e vehíkulo bai warda kuné miéntras e sospechoso mes lo keda presentá dilanti un Fiskal Ousiliar.