Segun Suzy minister Cooper a bisa ku el a firma bou di sierto kondishonnan.

Willemstad,– Lider di partido PIN señora Suzy Romer ta bisa ku e ta haña ku eigenlijk e kosnan ta hopi brua. E ta bisa ku el a sigui e reunion tokante di e problemanan ku Ennia i promé minister Pisas a bisa ku den e sistema di sigui ku e kompania ta hopi senario tin.

Suzy ta bisa ku ta straño ku e akuerdo ku Hulanda a hasi ku e fiansa di Covid, manera Cooper a splika el a pone tres kondishon na momentu ku e tabata remplasando aktual komo promé minister, pero promé minister mes a bisa ku el a wanta ku e karta. Suzy ta bisa ku no tin un unidat di maneho di konseho di minister, kaminda tur mester ta di akuerdo ku e meskos. E ta bisa ku promé minister a kontradisí loke promé minister interino a bisa. E ta bisa ku el a lesa un karta ku Bijleveld a manda pa Tweede kamer kaminda e ta bisa ku gobièrnu a bai di akuerdo ku e kondishonnan ku el a pone sin niun kondishon.

Suzy ta puntra ta kua ta pinokio, paso e dos vershonnan no ta klòp ku otro. Segun e lider di PIN ta kuestion di un diferensha fundamental. E ta bisa Cooper a splika ku e no ta di akuerdo ku e ta wòrdu goberná for di distansia i kue lo no akseptá esaki nunka. Van Huffelen ta bisa ku e kondishon ta ku si ekspertonan di Hulanda bai di akuerdo.

Suzy ta bisa ku si sigui riba e ruta aki ta bai enkontra problema riba kaminda. Cooper ta bisa ku e no ta wòrdu goberná pa un instansia, pero te awe niun hende no sa kuantu sèn Ennia mester presis. Nos no sa presis kua di e solushonnan ta bon pa e kompania, pues sigui ku e kompania òf start e kompania, kiko e ta bai nifiká pa bo presupuesto, pa bo pais i pa e pènshonado. E lider di partido PIN ta sigui bisa ku por papia di “doorstaart” ku 1.2 miljart, ku 150 mion ku lo a fia serka un tersera partido òf ta papia di “doorstaart” di un fiansa ku ta kai totalmente for di presupuesto. E ta splika ku niun di esakinan no a ser pone riba un rei, pues gobièrnu ta tuma desishon di hasi un afwsisseling sin sa kiko e ta bai nifiká. Gobièrnu ta bisa ku ta parlamentu ta disidí, pero gobièrnu a disidí kaba te ku el a manda bisa gobièrnu hulandes. Suzy ta bisa ku tur e preguntanan ta ketu bai riba mesa. E ta pidi pa skucha ekspertonan finansiero di nos pais i di penshun, hasi propio investigashon kiko konsekuenshanan finansiero i huriko ta. Pais por haña un claim aworakí djis paso ta ser un kompania ku kisas no mester a sera.

E ta splika ku e desishon di gobièrnu, bon òf malu,  nos no sa kiko ta bai pasa. “Si mi punta awe pa e sifranan konkreto i si ta 1.2 miljart mester, nan no por bisa” pues Suzy Camelia Romer. Segun Suzy minister Cooper a bisa ku el a firma bou di sierto kondishonnan. Van Huffelen ta bisa ku Kòrsou a bai di akuerdo sin niun kondishon. Gobièrnu a bisa ku no ta bai fia mas pa Ennia, paso nos mes ta bai hasié, pero Suzy ta puntra kiko e konsekuensianan di esaki ta. E ta bisa ku e ta spera ku parlamentu si lo hasi su hùiswèrk.