Willemstad,– Segun e Epidemiologo señora Iralice Jansen a splika ku den e promé siman nan a konta ku lo drai un kantidat di 2000 vakuna i entretantu 3.371 persona a keda vakuná den e siman kual ta hopi mas hende ku a ser sperá den e siman piloto.

El a splika ku pa loke ta e grupo di 60 plùs lo bai kada di atendé ku esaki i vakuna nan pa despues pasa pa e grupo di 18 pa 59 aña kaminda lo bai eskalá i pasa 5000 vakuna pa siman.

Sifranan di vakunashon na Kòrsou 24 di febrüari pa 4 di mart.
Señora Jansen a splika ku un total di 7.515 a registrá di kual 3.371 a risibí nan vakuna. Te awor 2.585 riba 60 aña a tuma nan vakuna.

Kontinuashon di trayekto di e vakunashon na Kòrsou.
Plan di ehekushon pa e trayekto di vakunashon.
Eskalashon kantidat di vakuna diario.
Siguiente lote di vakuna pa Kòrsou
Registrashon i vakunashon di siguiente grupo (nan) di enfoke.

Dòkter Iralice Jasen pues ta pidi pa mas tatu posibel hendenan registrá via on-line di manera ku esnan ku no tin Internèt por hasi mas uso di e liña di telefon i keda atendé mas rápido.

Vakunashon “overwinteraars
Personanan ku ta keda Kòrsou pa un periodo prolongá, tambe tin oportunidat pa risibí e vakuna kontra Covid-19 aki na Kòrsou. Esaki ta posibel for di otro siman djarason pues 10 di mart 2021.

Personanan tin un pasaporte hulandes bálido.
Ta pertenesé na e grupo di enfoke ku ta na turno (60+
Ta disponé di un karchi di kuido hulandes (seguro di kuido)
Komprobante ku e persona ta keda Kòrsou mas largu ku kuater luna
Mester ta presente na Kòrsou pa ámbos vakuna.

Epidemiologo Iralice Jansen ta splika ku un overwinteraars pues mester por proba ku e ta na Kòrsou pa tempu largu. Ta trahando pa otro gruponan tambe por haña vakunashon.