Ámbos temblornan a keda registrá den oranan di djasabra tras di lomba.
LIMA – Dos temblor di magnitut 4 i 3.5 grado na nort i sùit peruano a keda registrá den oranan di djasabra tras di lomba. Esaki sin ku a registrá víktimanan òf dañonan personal te ainda, segun e Instituto Geofísiko di Perú.
E promé movementu a keda registrá na e parti sùit na Arequipa, na 4:03, ku un magnitut di 3.4 grado i e episentro na 12 kilometer sùitost di Cabanaconde, na e provinsia di Caylloma.
Arequipa ta un di e regionnan di Perú ku mayor aktividat di temblor i e temblor di djasabra último a keda registrá na un profundidat di 11 kilometer.
Despues, na 5.59 a produsí e segundo temblor na e region di Piura, ku un magnitut di 4 grado i esaki su episentro tabata na 15 kilometer nortost di Máncora, provinsia di Talara i ku un profundidat di 49 kilometer.
Outoridatnan di Perú a deskartá un menasa di sunami. Di mesun forma, e servisio di Defensa Sivil a publiká reporte nan ofisial di IGP, sin identifiká víktimanan òf dañonan material den e zona, i a indiká pa sigui rekomendashonnan den kaso di emergensia.
Perú ta ubiká den un region konosí komo “Cinturón de Fuego del Pacífico”, unda ta produsí mas di 80% di e aktividatnan di temblor mundial.