ALMERE—Na Almere deskonosinan a lòs tirunan riba un barberia na Almere djadumingu anochi.

E tiroteo a tuma lugá alrededor di 2.30 den Eddastraat na Almere Poort. Riba kaya polis a haña mas huls. No tabatin herido. A lòs diferente bala riba e barberia. Un testigu a mira e dos sospechosonan kore bai riba un skuter i a pidi asistensia di polis. Polis ta buskando testigunan i a start un investigashon. No tin informashon di e motibu di e tiroteo.