3 turista a wòrdu di dal kaminda 1 dama turista a keda ku leshon nan basta pisá.

Nieuwe Haven,– E hòmber Carlos Nectar a keda akusá di intento di asesinato riba bida di algun turista. Debí ku e hòmber ta sufri di un malesa mental, e no por a wòrdu kondená.

Riba 8 di mei 2022, e hòmber Carlos Nectar lo a dal algun turista ku outo den área di Corendon. E dama víktima tabata di paseso ku un grupo riba stèp elektróniko. Dado momentu e akusado, Carlos Nectar, tabata warda den su vehíkulo. Despues ku e grupo a pasa, e hòmber lo a manda su outo stret riba e dama turista.

Durante tratamentu di e kaso, a resultá ku 1 aña despues di e aksidente tantu e dama víktima komo su kasá ta risibí kuido médiko riba un forma basta intensivo. Na Mei último e dama a pasa den su último operashon kaminda dòkternan mester a kita plachinan di heru for di su kurpa. Sinembargo, e kasá di e dama víktima ketubai ta risibí tratamentu di sikólogo relashoná ku e trouma eksperenshá durante e aksidente. Segun informashon, e hòmber lo a wak klaramentu kon e vehíkulo ta pasa riba su kasa.

E dama víktima lo a kibra repchi, heup i alabes risibí vários leshon na su kabes. Durante tratamentu di e kaso den promé instante a resultá ku e hèlmu di e dama tabata tin marka di tayer ariba, pues si e damano tabata tin un hèlmu bistí, sigur e dama lo fayasé na e sitio.

E kaso den promé instante a finalisá ku e hòmber, Carlos Nectar, no por wòrdu kondená mirando ku su estado mental no ta adekuá. Rapòrtnan di sikólogo i sikiater a konkluí ku e hòmber ta sufri di problema mental, pues e no por para responsabel pa su aktonan. Ta asina ku hues a dikta ku Nectar mester wòrdu interná den klínika Capriles.

E kaso di apelashon a drai por gran parti si por adaptá e sumanan di daño perwisio ku Necar l mester paga na e víktima nan. Durante tratamentu, PG Angela a insití korte pa mantené e veredikto di promé instansha debí ku pa daño inmaterial e víktima lo no a duna sufisiente prueba.

Al kontrario di e argumentonan di e PG i e abogado den e kaso, defensa di e víktimanan a indiká ku nan a laga ofisina di akountent hasi algun kalkulashon nan. E kalkulashon nan a indiká ku e víktimanan a keda ku 300 mil euro na daño material i inmaterial. Dia 20 próksimo lo tin sentensia.