WILLEMSTAD,– Minister di ekonomia Ruisandro Cijntje via di retnan sosial a bisa a saka un lista di su tantísimo biahe nan di negoshi.

Segun e minister, e tipo di mensahenan aki ta sembra konfushon den pueblo paso despues e hende ta pensa ku e biahe nan no ta sufisiente hustifiká.

E ta splika ku su agènda internashonal lo tin komo ophetivo pa fortalesé e ekonomia lokal pa medio di kreashon di oportunidatnan komersial faborabel den eksterior.

E minister a presentá e resultadonan di su biahe ofisialmente na parlamento. Ademas di e desaroyo ekonómiko lokal, su kartera ta inkluí tambe e relashonnan ekonómiko internashonal. “Un parti spesifiká di e minister ta ku e ta prekupá pa  mantené i fasilitá e relashonnan ekonómiko internashonal ku e meta di krea oportunidatnan di negoshi i posishoná e ekonomia di Kòrsou na nivel internashonal, asina Cijntje a splika.

E minister a garantisá transparensia hasiendo e informenan di kada un di su biahanan públiko.