AMSTERDAM—Ministerio Públiko a pidi 18 luna i kastigu kondishonal ku tratamentu sikiatriko pa mayornan di baby ku a haña den kliko.

E tratamentu den korte a tuma lugá tras di porta será pasobra e mayornan tabata menor di edta e tempu ei. OM a bisa ku ta trata di hechonan horendo i inimaginabel segun AT5. Den februari 2021 polis a haña un baby resien nasí den un kliko grandi na Amsterdam. Un bisiña a tende un zonido den e konteiner di sushi ora el a tira sushi afo. Mesora e tabata sa ku ta trata di un baby i a yama polis. Brantwer a logra pa saka e yu bibu for di e konteiner di bou di tera. Algun dia despues di e insidente polis a logra haña un pareha hoben ku ta mayornan di e baby. Segun e abogado nan tabata konvensi ku e yu a muri nan a drenta paniko i no tabata sa kiko pa hasi. Ora nan a pasa banda di e konteiner di sushi i a pone e baby. Durante investigashon polis a konklui for di kombersashonnan ku tabatin un segundo baby. Su restunan tabata den kura di e mama. Nan ta responsabel pa morto di e baby aki. OM ta bisa ku tin kastigu maksimo pa menornan di edat. Ademas, nan no a kopera ku e investigashon. E baby ku a sobrevivi e insidente ta den man dii protekshon di menornan.