Studiantenan di VSBO, HAVO i VWO ta trahando nan eksamen nan aktualmente.

Punda,– Ayera studiantenan ku ta risibí edukashon riba nivel VSBO, HAVO i VWO a kuminsá ku nan último èksamen nan eskolar.

Na Kòrsou, kandidatonan di eksamen ta enfrentá eksamennan durante un periodo di mas ku tres siman ku ta determiná si nan ta gradua exitosamente di VSBO, HAVO, òf VWO. Hopi lo sigui un estudio di enseñansa despues. E mayoria di e studiante ta bini di Enseñansa Preparatorio Profesional (VSBO). E aña aki ta e di 20 biaha ku tin eksamennan final sentral di VSBO ta tuma lugá. Den e kategoria di VSBO tin tres ruta di estudio: PBL (Ruta Práktiko Profesional), PKL (Ruta Práktiko Kadergericht), i TKL (Ruta Teóriko Kadergericht).

Den un komunikado emití dor di Ministerio di Ensañsa, por nota ku alrededor di 1800 studiante ta bai kuminsá ku nan eksamen. Alabes por nota ku esaki ta 148 ménos studiante ku a traha riba eksamen nan na 2023.

Den e skema kaminda ta indiká e kantidat di studiantenan di VSBO ku ta bai traha nan eksamen, por nota ku 238 studiante ta dem PBL, 277 studiante ta den PKL i por último 601 studiante di TKL lo traha nan eksamen nan. Mas aleu den tur tres kategoria di estudio, por nota ku esaki tabata ménos ku na 2023.

Al kontrario di VSBO, por nota ku studiantenan den HAVO i VWO ta oumentá riba forma leve. Den 2024 tin 13 studiante mas ku ta trahando nan eksamen den 2024, kual ta 539 studiante. I den VWO por nota ku tin 15 studiante mas ku ta bai traha riba nan eksmanen, kende ta suma 158 studiante.