AMERSFOORT—Tres persona a pèrdè nan bida den un aksidente grave riba A1 na altura Amersfoort, inkluso 2 mucha di 12 i 14 aña.

E mayornan di e muchanan tambe a keda gravemente heridá. Un outomobilista ku tabata kore kontralí a dal frontalmente den e outo di famia alrededor di 22.00, segun un bosero polisial. E outomobilista (19) di Rumania a muri na e sitio segun polis. Despues a drenta informashon ku ta den hospital el a fayesé. E kondishon di e mayornan grave ta preokupante. Servisionan di emergensia a sali masalmente. Segun polis tabatin dos team médiko na e sitio. Diferente hende ku tabata na e sitio tambe a yuda. Varios hende a skirbi riba media sosial ku nan a topa ku e outomobilista ku tabata kontralí. Tin hende a skapa na wowo angua i a yama 112 mésora. Tristu pa tende ku e yamada tabata lat, segun un testigu. Mésora despues di aksidente outoridatnan a sera e kareteranan di tur dos banda. Polis a investigá e sirkunstanshannan di e aksidente.