Korte na Rotterdam kende a parti kondena kondishonal pa mayornan pa maltrato usando norma “Antiano” pa rason di maltrato.

Willemstad,– Aktualmente tur skina di ret sosial ta diskutí tokante un video ku ta sirkulá kaminda un wela ta trata na dal un mucha ku un pida palu. Ta importante pa informá kon pa hèndel kasonan di maltrato riba un forma adekuá i alabes informá ku kondena por ferwagt unabes partisipá na tipo di maltrato di mucha.

Na aprel 2019 un pareha YDK a risibí kondena di prizòn na Rotterdam debí ku nan tabata maltratá nan yu. Segun investigashon, e pareha tabata skòp, dal i alabes kinipí e yu di apenas 7 aña ku basta regularidat. E maltrato mester a sosodé entre 2012 pa 2014. Mas aleu den e temporada di e maltrato un testigu a deklará di a nota ku e mama tabata dal e yu wanta den left.  Durante tratamentu di e kaso na 2019 e tata di kriansa a indiká ku e ta krese e yu basá riba norma antiano kual ta inkluí partimentu di sla. Por sierto e deklarashon di e tata di kriansa a bai viral den tur skina di Hulanda i Kòrsou. Al final korte a dikta un kondena kondishonal di 2 luna pa e mayornan kaminda ámbos mayor lo mester tene kuenta ku un periodo di prueba di 2 aña.