N.H. ta risibi kastigu di trabou, 40 ora.

Nieuwe Haven—Korte Penal ayera a yega na kastigu pa e hóben N.H., kende a kumpra un telefon hòrta miéntras e mester tabata na altura ku e telefon ta prosedente di ladronisia. Korte a definí e kastigu delito riba kulpa pa enkubrimentu.

Ta trata di un IPhone 12 Pro, ku polis a bin deskubrí den un kas Na Zegu. Konfiskashon di e selular a kondusí na aresto di e hòmber di 23 aña N. H.. A bin resultá ku e telefòn selular tabata den poseshon di e un hòmber di fam Lendering, kende riba 30 di desèmber 2022 a keda atraká riba Koraalspechtweg. Segun e hòmber Lendering, tabata kuater suheto kendenan a atrak’é riba e dia en kestion. Polis a inisiá un investigashon i riba 25 di yanüari den oranan di mardugá a hasi dos entrada i detené dos persona, unu den bario di Zegu i un otro den bario Batavierwijk na Parera. Na Zegu a detené e hòmber N. H.. Djárason 25 di yanüari 2023, alrededor di 05.00’or di mainta Tim di Aresto a hasi detenshon di e hòmber sospechoso N.H., di 22 aña di edat nasé na Kòrsou. A bin sali na kla ku polis a dediká basta tempu pa por a logra pone un relashon entre e artíkulonan hòrtá i akusado N. H.. Segun polis durante entrada i aresto e telefon di Lendering tabata den uzo serka N.H.. Polis a bin deskubrí e telefon momento nan tabatin e hóben G, riba investigashon di tap. Manera menshoná, durante listramentu a bin haña N.H.  ku e telefon. Durante interogashon, N.H. H. a menshoná ku e tabatin e telefon 2 aña kaba, pero polis a deskubrí esei no tabata bèrdat pasobra ta e víktima Lendering tabata den poseshon di e I Phone. Segun H, den su deklarashonnan, tabata G, kende a bend’é e telefon pero G, a desmentí e vershon di H.

Fiskal a akusá H di enkubrimentu (heling).  Esta kompra, poseshon di un artíkulo hòrtá. Lokual tabata na fabor di H, segun fiskal ta ousensia di un karchi di kastigu. Polis a arestá H, riba 25 di yanüari último, unda e la keda será pa 7 dia.  Segun Polderman, e telefonnan hòrta hopi biaha ta keda uza pa sigui kometé otro krímen. E hecho ta kastigabel segun e fiskal i H meresé un kastigu. E la demandá un kantidat di 20 ora di trabou i kastigu di  90 dia den prizon kual 83 kondishonal.  H. a sinta 7 durante su aresto preventivo i tin 83 dia kologá riba su kabes durante 3 aña tempu di prueba. Hues mr. Carmelia ayera a tuma un desishon. E hues a duna veredikto konforme petishon di fiskal i mustra ku H. mester tabata na altura ku e telefon tabata unu hòrtá. Aserka H mester hasi 40 trabou komunitario.