ROTTERDAM—Djaweps Duana a deskubrí un lote di 464 kilo di kokaina durante un kontrol den haf di Rotterdam.

E droga ta prosedente di Santo Domingo. Ta trata di un lote ku un balor riba kaya di 35 mion euro, segun Ministerio Públiko. E droga tabata den un karga di heru. E konteiner ku a sali for di Santo Domingo tabata destina pa un kompania den Zuid-Holland. E kompania posiblemente no ta envolví den e kontrabanda. Durante kontrol e duaneronan a deskubrí 19 balde ku paketenan di droga. Ta trata di un total di 464 blòki di kokaina den 19 balde. E team HARC (Duana, FIOD, polis di haf, OM) ta enkarga ku mas investigashon. E droga a keda destruí.