Hato– Djadumingu 9 di yüli 2023 alrededor di 18.00, e personal di Kuerpo Polisial ku ta stashoná na Hato (Hato Polis) a tene un kontròl den e área di salida di aeropuerto. E kontròl aki tabata basá riba violashon di lei di tráfiko, lei di opio i lei di arma.

A kontrolá un total di 15 vehíkulo i a repartí 5 prosès verbal pa e.o. maneha un vehíkulo sin: Reibeweis bálido; Seguro di outo bálido; Glas skur di plak den winshil dilanti. Den tas di un shofùr i un ko-okupante polis a enkontrá un kantidat limitá di droga pa propio uso ku a keda konfiská. E kontròlnan aki ta kontinuá.