ROTTERDAM—Durante un kontrol den haf di Rotterdam un kantidat di 500 kilo di kokaina a keda interseptá den un konteiner ku mermelada.

E balor di droga riba kaya ta kalkulá na 37,5 mion euro segun Ministerio Públiko. Un total di 8 bari di jam i mermelada tabata yen di kokaina segun Duana i polis di haf. E konteiner tabata prosedente di Colombia ku destinashon un kompania den Hulanda. Posiblemente e kompania no ta envolví den kontrabanda di droga segun Ministerio Públiko. Entretantu, a destruí e droga. Den zomer polis a interseptá un total di 8000 kilo kokaina, e kantidat di mas grandi den Hulanda.