AMSTERDAM—Un kantidat di 5000 dama ku tin implante den pechu silikon a djoin un keho masal kontra farmaseuta Abbvie.

Otro siman ta start un kaso den korte kontra e fabrikante. E damanan ku ta bai korte ta bisa ku e implantenan ta defisiente. E kompania a ninga di duna kompensashon di daño. Organisashon di derechonan di hende muhé Bureau Clara Wichmann ta eksigí serka hues pa haña un kompensashon di daño ku por yega alrededor di 900 mion euro. Esaki na nòmber di e damanan ku a entregá keho, pero pasobra e ta un keho masal, tambe pa e 55.000 otronan den Hulanda ku tin implante di pechu. E fabrikante mester kubri pa saka e protesis pasobra seguro no ta kubri esaki sin motibu médiko. Pa e grupo ku tin e silikon Natrelle di Allergan, ku Abbvie a kumpra, tin risikonan grandi riba un tipo di kanser particular segun RIVM. E chens ta chiki pero eksistente. E silicon ta kesa usa pa hasi pechu grandi i rekonstrukshon despues di operashon. For di investigashon den 2018 ta indiká ku damanan ku implante di pechi tin 400 biaha risiko pa haña problema. Na Hulanda tin 90 kaso. E kompensashon di daño ta pa kubri e gastunan pa kambia e silicon ku material di e kurpa mes, pero tambe pa e dolor i pena ku e operashon lo okashoná. Segun Inspekshon no mester saka e implantenan i ku operashon tambe tin risikonan, pero ta importante pa tene kontakto ku dokter si tin kehonan. For di 2018 implantenan di Biocell òf Natrelle no ta optenibel mas den Hulanda ni Oropa. Den 2019 Allergan a saka e implantenan mundialmente for di sirkulashon den Hulanda tin un total di 200.000 dama ku implante di pechu. E siman aki e kaso ta start den korte di Amsterdam. Farmaseuta Abbvie no kier reakshoná pasobra e kaso ta serka hues. Otro aña lo duna reakshon kua kontenido den korte.