Mayoria di e biahenan ta tuma lugá durante anochi, hasiendo mas fásil pa hendenan landa bai tera sin keda detektá.

Willemstad, –Entre 700 pa 900 Venezolano ta hui tur dia, for di sèptèmber di aña 2020, for di rutanan ilegal.

Segun sifranandi Organisashon di Estadonan Amerikano (OEA) entre 700 pa 900 Venezolano ta hui tur dia via kamindanan iregular for di sèptèmber di aña 2020. Konforme Organisashon Internashonal pa Migrashon (OIM), e tráfiko di migrantenan for di rutanan iregular, “ta fasilitá e entrada ilegal di un persona na un Estado, kaminda esaki no tin nashonalidat òf residensia”. E huimentu di Venezolanonan for di nan pais for di kamindanan iregular ta sosodé via di “trochas”. Esakinan ta rutanan ku a wòrdu konstruí pa prevení enemigunan di pasa riba teritorio Venezolano. Otro rutanan iregular for di kual ta hui ta rutanan di laman peligroso.

E huimentu for di kostanan di Venezuela for di kamindanan iregular ta alarmante. E opshon di biaha for di e rutanan iregular aki ta pone ku e imigrante ta pone su mes den man di trafikadó den kual nan ta hasi nan mes vulnerabel pa e ret di kriminalidat. Biahenan via di “trochas” òf  rutanan di laman ta pone ku e migrante ta eksponé su mes riba e posibilidat di ser kaptá dor di ret di trafikashon di hende, pero tambe na ekstroshon, robo i otro delitonan.  

E tráfiko di migrantenan for di Venezuela ta sali den oranan di anochi ku hòmbernan, muhernan i muchanan. E botonan aki hopi biaha no ta apto pa transporte. Nan destinashon ta mayormente Trinidad i Tobago,  pero tambe ta konosé tráfiko ilegal pa Aruba, Kòrsou i Boneiru. Organisashon Internashonal di Polis Kriminal (Interpol) ta menshoná ku e retnan dediká na tráfiko di migrantenan ta funshoná pa negoshinan ku tin un gran márgen di benefisio i un riesgo limitá.

E negoshinan aki ta probechá di debilidat di leinan i e probabilidat abou ku nan tin pa wòrdu detektá i wòrdu detené. Segun United Nations Office on Drugs and Crime (UNODC), tráfiko ilegal di emigrantenan ta relashoná ku otro delitonan manera korupshon, fluho di plaka ilegal, terorismo, tráfiko di merkansianan ilegal i trafikashon di hende. Dor ku e rutanan iregular aki ta vulnerabel pa aktividatnan transnashonal di kriminalidat organisá, no por sigurá bienestar di personanan ku ta huí i bai laga Venezuela for di e rutanan iregular aki.

Segun e Komité Nashonal di Famianan di Víktimanan di Desaparesashon i Tratamentu di Hende, a registrá te na 2020, desaparishon di 119 persona riba kosta Venezolano. E víktimanan a sali riba boto for di e estadonan Sucre, Falcón i Nueva Esparta. E mesun aña, organisashon Éxodo a dokumentá ku 268 persona a desaparesé na Venezuela. Di e sifranan aki, 126 ta entre otro hóben, mucha muhé i hende muhé.