WILLEMSTAD—- Djaluna mainta durante kontròl realisá na Grote Werf dor di funshonarionan di Douane y Inspekshon Ekonómiko a haña mas òf ménos 850 kg di promèntòn bèrdè ku no tabatin eksonerashon pa ser importá.
A atendé ku e kapitan di e embarkashon Auyan Tepuy y a konfiská e kargamentu di promèntòn bèrdè. Konforme maneho, a repartí e diferente kahanan di promèntòn pa instansia/fundashonnan karitativo. MEO ke garantisá desaroyo ekonómiko pero simultáneamente protehá nos produktornan lokal. Na momentu ku tin sufisiente produkshon pa abastesé merkado lokal, lo no permití importashon.
Mensualmente ta monitorea e kantidat di kosecha lokal y asina determiná na ki momentu por duna eksonerashon na un òf otro fruta/berdura. Repartishon tabata pa: 1. Habaai, 2. Pasa dia mi Amparo, 3. Betesda, 4. SGR Group, 5. Brasami, 6. Casa Manita i 7. Mi Refugio Trai’ Seru.