Willemstad— Polis di tráfiko a keda enkargá ku un aksidente riba Wèg Naar Welgelegen na unda e shofùr ku a okashoná e aksidente a bandoná e sitio.
Tabata den oranan di atardi ku un vehíkulo di e marka Kia tabata koriendo riba Wèg Naar Welgelegen den direkshon di Habaai. Dado momento e vehíkulo aki a bai resultá riba e otro banda di kaminda i a dal kontra di un Toyota yaris ku tabata biniendo for di e direkshon kontrali. Debí na e choke aki e shofùr di e yaris a bin sufri leshon leve. Dado momento tur esnan presentá por a mira kon e shofùr ku a okashoná e aksidente a baha for di e vehíkulo i a kore bai for di e sitio. A pidi presensia di Polis di tráfiko pa asina por a kontinuá ku e investigashon miéntras a konfiská e vehíkulo.