Momentu ku polis ta papiando ku e dama ku tabata basta rabiá

Sta Rosa- Den oranan di atardi Vigilante a kombersá ku un dama kende su nòmber ta Nayeska Valks ku mester a splika di un situashon ferfelu ku su yu ta pasando aden na e momentunan aki.

E dama tabata para dilanti di Huize St. Jozef unda esaki mester a drenta den kontakto ku nos debí na e situashon ku ta pasando ku un di su yunan a keda menasá den e instituto pa un mucha ei den mes. E dama a splika ku a menasá su di 10 aña ku ta saka su wowo. Su otro yu di 15 aña tambe mester a haña menasa ku ta bin basha bala na su kas i esaki ta trata di un mucha di apénas 12 aña ku mester a bisa su yu esaki. E la trata na drenta den kontakto ku e trahadó sosial, pero no por komuniká ku e persona aki i ke papia ku e direktor di e instituto mes. Na momentu ku esaki a kai den man di polis e mester a kombersá ku e trahadó sosial, pero e dama ta deklará ku no a hasi kaso di su situashon.

E la sigui splika ku e ta sinti i teme pa su yunan e la sigui bisa. E señora a sigui splika ku tur e kosnan aki tin n’e malu i ku e no por mas. E la para mas ku 1 ora i mei pafó pa warda pa tuma un telefon ku su yu mester a drenta den e instituto kuné i ku esaki ta prohibí. E dama tin mas ku un siman e la splika ku ta pidiendo un reunion ku esnan ku ta na kabes di e instituto, pero no a logra esaki. Tambe e la deklará ku e ta teme pa su yu di 10 aña ku mester ta einan i ku nan ta dunando esaki remedi i e no sa e dikon e yu ta risibiendo esaki.  E dama hopi rabia i tambe prekupá a splika ku e no por drumi trankil sabiendo ku su yu ta hañando menasa di otro mucha ku ta tir’é mata òf ta saka esun su wowo. E dama tambe ta un persona ku a biba den internat i e la bisa ku e sa ku na e instituto tin kaminda ku e muchanan por sali i hui. E ke pa bin hustisia pa ku e situashon ku su yunan ta pasando aden mirando ku e mucha ku a menasa su yu ta kore outo i ku tampoko no sa ken su mayornan ta. E dama tin dos yu den e instituto di ku dia 23 di yüni último tabata pendiente pa wak si su yunan lo regresá kas serka dje, pero esaki no tabata e kaso. E la duna di konosé ku e la komportá su mes apesar di sierto kosnan ku tabata pasando pa e por a haña su yunan pero no a logra esaki.  E la splika ku e la pidi un reunion ku esnan konserní den e instituto pa por atendé e situashon mirando ku su yu mester a bai kas awa na wowo deklarando ku e no ke keda einan mas i ke bin kas. E dama tabata hopi eksaltá i rabia ku e situashon debí ku na momentu ku e yu no ta eiden wikènt e no sa kiko lo por pasa kuné. E dama mester a keda yama pa e por a bai na e instituto unda e mester a bai tuma un telefon ku e yu a bai kuné den e instituto i ku esaki ta prohibí. E dama a para mas ku 1 ora i mei pafó warda, pero debí ku e mester a eksaltá mester a pidi presensia di polis pa asina nada no sali for di man. Momentu ku e agentenan polisial a yega na e sitio a bai kombersá ku e dama pa asina por a wak kiko tabata e problema. Mesora e agentenan a bai serka esnan konserní den e instituto unda a intermediá den e situashon kaminda a logra di haña un sita. E dama mester a haña un sita pa por bai papia ku esnan ku ta na kabes di e instituto pa trese un aklarashon pa ku e problema unda su yu a keda menasa. Tambe mester a hasi entrega di e telefon ku ta prohibí. Bon trabou di e agentenan unda a logra pa e dama por a haña un sita e siman aki unda e por deshogá su mes pa ku e prekupashonnan ku e tin di su yunan ku a keda menasa.