E shete personanan detené den e kaso aki, tabata mayoria di e mesun famia.

CARACAS – Outoridatnan di Venezuela a detené shete persona ku tabata forma parti di un organisashon kriminal dediká na estafá siudadanonan peruano, ku tabata operá for di e pais karibense.

Via un kuenta di Twitter, segun a keda detayá, danki na trabounan investigativo, a logra desartikulá e grupo ku e detenshon di shete persona impliká, mayoria famianan, na e siudat di Acarigua na e estado Portuguesa.

A indiká ku ta trata aki di un trabou kordiná ku Interpol, kende a informá outoridatnan venezolano di aktuashon di e grupo aki.

Esaki nan aparentemente via di internèt tabata ofresé algun artíkulo, prinsipalmente dirigí na e poblashon ubiká na Perú i ora logra e transakshonnan ta pèrdè kontakto.

E detenidonan a keda poné na òrdu di Ministerio Públiko i di tribunalnan venezolano.

Dia 23 di ougùstùs, e kabesante polisial a informá ku Cicpc a detené un total di 18.741 persona e aña aki pa diferente delitunan, sin ofresé muchu detaye relashoná ku e lugá nan ku e detenshon nan a keda realisá.

E numbernan aki ta korespondé únikamente na e kuerpo polisial ku ta apoyá labornan di investigashon di Fiskalia, pero e no ta inkluí e detenshonnan ku ta keda hasí pa polis i Forsa Armá Nashonal Bolivariano.