E aerolinea a ekspresá nan diskulpa i indiká ku a inisiá ku un investigashon den e kaso aki.

ESTADOS UNIDOS – Un aerolinea estadounidense a pone un menor di edat, di seis aña, ku tabata biaha su so, riba un buelo robes.

E echonan a keda registrá dia 21 di dezèmber tras di lomba, ora ku e menor di edat a abordá un buelo for di Filadelfia pa Orlando. Esaki miéntras ku su wela tabata wardando e na Fort Myers.

Den deklarashonnan na medionan di komunikashon, e bosero di e aerolinea a pidi diskulpa na famia di e menor di edat i a anunsiá apertura di un investigashon relashoná ku loke ku a sosodé.

E aerolinea ta sigurá ku e menor di edat, na tur momentu a keda kompañá pe personal di e aerolinea i ora ku a ripará e eror a kontaktá su famia pa asina por haña esaki bèk.

E wela di e menor di edat, identifiká komo Maria Ramos, a relatá na e mesun medionan di komunikashon, ku e tabata warda na e aeropuerto di Fort Myers i a drenta den pániko ora ku e indiká na dje ku e mucha no tabata abordo di e avion. Su maleta, di orto banda, si a sa di yega na e destino korekto.

Medionan di komunikashon mesora a rekordá un otro episodio similar na 2016, unda Maribel Martinez a demandá un otro aerolinea estadounidense paso nan a konfundí su yu i entregá otro mucha na e aeropuerto John F. Kennedy, di New York, for di Repúblika Dominikana.