Foto Terrence Agard: e meta final ta weganan olímpiko

Brievengat—Segun e training ku selekshon di Hulanda estafèt ta bayendo bon. Ayera pa di dos biaha e selekshon a hiba nan trainingnan pero Agard tin dos siman kaba na Kòrsou.

Agard tambe a menshoná ku ta promé biaha den historia un selekshon grandi asina aki di Hulanda ta bini Kòrsou pero tambe tres selekshon mas, Bèlgika, Ukraina i Suisa tambe lo djòin Hulanda pa hasi nan entrenamentunan akinan. E éksito di e yunan di Kòrsou koriendo pa Hulanda, ta pone ku na Hulanda demas atletanan a sera ku nan i nan ta entrená huntu tambe.

Riba 28 di Aprel, Kòrsou por bin wak e atletanan yu di Kòrsou kore kontra demas selekshonnan oropeo den stadion Ergilio Hato. Ta trata di atletanan tòp di mundu ta bin kore kontra di e yunan di Kòrsou representando Hulanda. Por ehèmpel Bèlgika ta bini ku nan tim kampeon mundial i Hulanda tambe den e selekshon femenino nan ta kampeon mundial. Tin e 4 x 400 miksto, Agard ta forma alabes e selekshon di Hulanda ku a Sali kampeon mundial.

Pero e meta final no ta 28 di aprel sino pa klasifiká pa e siguiente weganan olímpiko.  Pa por logra esei, nan mester kore na Bahamas 4 i 5 di Mei próksimo pasobra esei ta e úniko oportunidat pa e timnan di relevo por klasifiká pa e weganan na Paris e aña aki. Agard finalmente a garantisá di bai kue medaya na Paris.