AMSTERDAM—Kompania di aviashon Air France-KLM a registrá den zomer e mihó kuartal den historia, segun nan sifranan resien.

Tabatin mas demanda pa tickets, avionnan tabata mas yen i e kompania a pidi mas pa tickets. Den periodo di yuli pa sèptember e kompania a generá 1,3 miar euro. E ganashi a oumentá ku kasi 30% kompará ku mesun periodo den 2022. Esaki a kompensa e gastunan haltu di kombustibel i salarionan.

Air France-KLM ta kasi riba e nivel di promé ku e krisis di corona. E kantidat di stulnan ta 94% di e kapasidat di 2019. Den 2024 ta spera ku no tin influe sia di e krisis mas. KLM tin mas difikultat pa rekupera di e krisis di corona ku e kompania partner franses Air-France. KLM a subi e kapasidat den 2022 ku 5%, Air France ku 7%. KLM a registrá ganashi di 539 mion euro kompará ku 806 mion euro di Air France.