Willemstad • ——– Djaweps 21 di desèmber 2023 e kontròlnan relashoná ku e akshon ‘Fin di aña sin zanzaña’ di anochi, a produsí 18 prosès verbal pa varios infrakshon. 85 vehíkulo i 16 persona a keda kontrolá i a konfiská un kantidat di droga i 2 arma di kandela.

Durante di e kontròl, den un vehíkulo den área di Saliña a haña un hòmber ku un arma di kandela den su tas i den e mesun área a bin topa ku un otro arma di kandela bentá abou. Na e sitio polis a konfiská e armanan i a detené e hòmber M.B.A. di 34 aña di edat nasé na Kòrsou pa violashon di lei di arma kandela. 2 vehíkulo a keda transportá bou di kondishon. E kontròlnan aki lo kontinuá diariamente.