E krusada na Rio Canario na unda e aksidente a tuma lugá.
Willemstad—- Nèt na altura di e warda di Polis bieu na Rio Canario a surgi un aksidente entre di dos vehíkulo pa pasamentu dor di lus kòrá.
Djasabra den oranan di anochi a surgi un aksidente entre di dos vehíkulo nèt na e krusada Schottegatweg Noord – e kaminda pa bai Pòst 6 i tambe e krusada Winston Churchillweg. Polis mester a sera e aria debí ku un di e shofùrnan di e vehíkulonan aksidente mester a sufri leshon i no por a sali riba propio forsa. Tabata polis huntu ku personal di ambulans i tambe Brantwer a yuda pa asina por a saka e víktima. For di investigashon preliminar por saka afó ku tabata trata di un aksidente ku a tuma lugá debí ku un di e vehíkulonan mester a pasa dor di lus kòrá. A pidi presensia di polis di tráfiko pa asina por a hasi mas investigashon. Víktima leshoná a keda transportá pa CMC pa asistensia médiko.