Willemstad—  Polis i tambe ambulans a keda dirigí pa Cabo Verdeweg pa un aksidente entre di un vèn i un bròmer.

https://fb.watch/rJIhHUvG6k/ (Klik pa wak video)

Polis ku a yega rápidamente na e sitio a bin topa ku un motosiklista na suela kual tabatin mester di atenshon médiko. Mesora a pidi presensia di ambulans pa asina por a transportá e víktima pa CMC. For di investigashon a bin saka afó ku e vèn mester a lora dilanti di e bròmer kual a pone ku esaki a bai dal  violentamente den su banda. E bròmer mes a keda basta destruí. Polis di tráfiko a keda pone na altura pa presentá na e sitio pa por a hasi e demas investigashon.