Segun Amerigo Thode minister tin obligashon ku parlamento i no CPR ni RdK.

Willemstad,– Parlamento di Kòrsou a deliberá ku RdK i despues ku promé minister di Kòrsou tokante di falsifikashon di dokumentonan pa un operadó nobo pa e Refineria.

Lider di frakshon pa MFK señor Amerigo Thode ta bisa ku ta importante pa a yama CPR i RdK pero nan dos no tin obligashon ku parlamento i si nan bisa ku na no ta bini, nos mester akseptá esaki i ku ta Promé minister ta esun ku tin e obligashon.

Mesun parlamentario Thode aki a yega di bisa den pasado ku ta falta di rèspèt paso nan ta bos di pueblo i ku nan tin derecho konforme di ‘reglement van orde’ pa haña kontesta riba preguntanan den sala i ku e ta tuma hopi na malu ku Banko Sentral no ta bini pa duna kontesta na pueblo. Esaki ta loke e parlamentario a bisa tempu ku su partido tabata den oposishon.

E ta pidi pa koleganan tuma bon kuenta pa e kos aki no bira algun pió. Dia 25 novèmber 2021 e ta bisa ku e instansianan aki ta kere ku nan ta riba parlamento.

E reunion e dia ei tabata solamente ku minister di finansa i ta minister a invitá Banko Sentral pa bin parlamento pa asina, si nan tin kosnan pa kontesta ,pa nan kontesta. Pero e reunion riba e falsifikashon si tabata un reunion kaminda parlamento a manda invitá Caribbean Petroleum Refinery.

“Ounke si wak bon banko Sentral tin obligashon di duna kuenta na gobièrnu i kontrali na CPR ku si no tin e obligashon ei” pues parlamentario Amerigo Thode.