AMSTERDAM—Amsterdam kier redusí e kantidat di barkunan krusero ku ta mara na e terminal den sentro ku mitar.

Asina e kolegio di alkaldenan i diputado a meldu. For di 2026 e bestur di e siudat kier permiti máksimo 100 barku krusero pa aña na e terminal di pasaheronan (PTA) serka di stashon. Aktualmente ta trata di 190 barku pa aña. 40 barku krusero ku no por mara na Amsterdam, por mara na Rotterdam. E kolegio kier mas aleu pa kita e terminal di krusero den 2035 for di sentro siudat. Posiblemente e terminal ta muda pa Coenhaven na Westelijk Havengebied. Pa direkto tin solamente un luga disponibel. Anteriormente dos. Barkunan ku ta mara for di 2027 mester ta konekta na koriente spesial. Aktualmente nan ta usa kombustibel pa lanta elektrisidat, loke ta soru pa molester di zonido segun AT5. Ku e medidanan e kolegio ta kumpli ku deseo di munisipio pa stòp ku kruseronan den siudat. Ta un manera polushona di turismo segun diputado Buren. Ademas, siudat ta keda kongestiona. Pero menos krusero ta nifiká menos entrada pa munisipio. E munisipio ta tene kuenta ku e konsekuensianan finansiero di e desishon. No ta konosí kuantu e medidanan lo kosta e siudat. Ku e medida e siudat lo tin 271.000 menos turista krusero.