Willemstad- Algemeen Pensioenfonds Curaçao a organisá un seshon di konosementu tokante reformá di penshun ku a tuma lugá den oula di Universidat di Kòrsou. Na e seshon di konosementu aki profèsor dr. Onno Steenbeek kende ta profèsor Finance na Erasmus School of Economics i MD di e Portafolio di Konseho Stratégiko i afiliá na UoC, CEO di APC sra. Evelyn Kruithof-Bor MBA i sra. Stacey René mènedjer di e departamentu di Penshun na APC a tene nan presentashon.

E seshon tabata unu hopi interaktivo kaminda ku stakeholders por a interkambiá pensamentu huntu ku esnan ku a dirigí e seshon. Tabatin vários ponensia interesante ku a bini dilanti riba sistemanan di reforma di penshun prinsipalmente den kuadro di e Pensioen landsverordening -Plvo- di APC esaki ta e areglo di penshun pa ámtenarnan.

Na final di e seshon direktor di APC sra. Kruithof-Bor a resumí e diferente puntonan ku ta di importansia i ku riba término kòrtiku i mediano mester bai duna atenshon na nan sigur mirando e ultimo desaroyonan ku mundu ta konosiendo.