Eni Carmelia su kaso lo keda tratá riba 7 di mart 2024. Korte lo plania mitar dia pa trata e kaso.

Nieuwe Haven,– E hòmber kondená den korte di promé instante di a asesiná e damita Raiza Scoop lo risibí e oportunidat pa korte penal trata su kaso di nobo.

Korte a determiná ku Eni Carmelia su kaso lo keda tratá den korte di apelashon riba 7 di mart 2024. Debí ku e fecha nobo di tratamentu ta mas ku 4 luna, tribunal di apelashon a dikta ku na febrüri próksimo Eni Carmela mester bolbe presentá den korte pa un tratamentu pro-forma. Defensa di Carmelia lo keda hibá dor di abogado Janssen.

Korte den Promé Instansha bou di ouspisio di wes Sigmar Carmelia a yega na konklushon ku Eni Carmelia ta kulpabel pa morto di Rayzienne “Raiza” Scoop. Pa su kulpabilidat, Carmelia ta risibi un kastigu di 13 ana di kastigu i konsiderando ku Carmelia ta sintando un kastigu di 15 ana, ta totalisa 28 aña di kastigu den prizon.

Pa lokual ta trata e asesinato kombiná ku violensha i robo, Korte a kompilá un kantidat di 18 prueba kontra di Eni Carmelia. Entre nan tabata kontra deklarashon di testigunan G.W., A.M., L.P., D.M., K.V.. Ademas Korte a uza pruebanan di sosten unda tabatin un rapòrt di desaparishon di Raiza Scoop, entrega pa su ruman muhé. Tambe komo prueba a uza e grabashonnan di vidio unda por a mira Raiza Scoop ta kana riba e Bonamweg den oranan di 6 o‘r mainta, 31 desèmber 2011. Esaki tabata apénas algun ratu promé ku Eni Carmelia a sekuestr’é den su outo. E vidio, a keda presentá na e mama i amigu/pareha di Scoop unda ámbos a rekonosé e persona kanando komo Raiza Scoop. Mas aleu, komo prueba a sirbi tambe un investigashon forensiko riba 14 di yanüari 2020. E investigashon forensiko a regardá deskubrimentu di e restunan mortal di Raiza riba 19 mart 2012.

Durante tratamentu di e kaso penal akusado Eni Carmelia a manetené ku e ta inosente den e kaso di asesinato di Raiza Scoop. A resultá durante un tratamentu anterio ku Eni mes a apelá su sentensia. Na momentu ku Eni tabata splika dikon el a apelá e akusado a splika tribunal di apelashon ku, kastigando su persona lo no solushoná e kaso aki. Tambe Carmelia a sigurá korte ku e ta inosente den e kaso aki.