Apertura di temporada di Aguinaldo i Tambú posponé
September 29, 2023 • 1 minüt pa lesa
Willemstad – Ministerio di Enseñansa, Siensia, Kultura i Deporte ta partisipá ku apertura di temporada di Aguinaldo i Tambú ku mester a tuma lugá dia promé di òktober den Hòfi Popo Rojer na Barber ta keda posponé te ku próksimo aviso. E desishon aki a keda tumá den deliberashon ku gruponan di Aguinaldo i Tambú.
Tur otro aktividat den kuadro di Siman di Kultura i Dia di Banda’bou ta sigui normal konforme palabrashon i publikashon anterior.
Ministerio di Enseñansa, Siensia, Kultura i Deporte ta diskulpa pa e inkumbeniensha.