Khalid Sinouh: Aprel mi ta bin Kòrsou pa sera konosí ku pueblo i fanátiko di futbòl.

Brievengat—Mènedjer Tékniko Selekshon di Kòrsou, na Aprel próksimo ta bishita Kòrsou atrobe. E biaha aki Khalid Sinouh, durante su di dos bishita  lo tene reunion ku diferente organisashon i gruponan di interes.

Esaki ta lokual e la duna di konosé na Vigilante alegando ku Kòrsou mester realisá ku nan tin un bon chèns pa yega Kopa Mundial,  pero e sosten di e pueblo mester tei. Unu dje barionan ku sigur Sinouh ke bishita ta Boka Sami. E la tende di e bario di futbòl na Kòrsou, pero tin gana di konosé e hendenan.

Tambe e la duna di konosé di ke bishita diferente ekipo den futbòl lokal durante nan trainingnan pa duna splikashon riba e trayekto i natural tambe pa tur bista riba talentonan. Segun Sinouh nan ta trahando duru pa logra un selekshon kompetitivo pa por kompetí pa e siguiente ròntnan klasifikatorio Kopa Mundial 2026.