E hanchi den Soto unda a bin topa ku Black den e vehíkulo sin ta duna señal di bida.

WILLEMSTAD—- Un kantidat di huls a keda tras despues di a likidá e víktima Vensley na Soto djaweps den oranan di anochi.

Tabata djaweps 28 di sèptèmber 2023 alrededor di 21.46’or, ku Sentral di Polis a risibí informashon ku deskonosínan a pasa tira riba un outo ku tabata pará na un snèk den Kaya Serapio Pinedo. Mesora Sentral di polis a dirigí un unidat na e sitio. Na yegada polis a topa ku un hòmber drumí den un outo i ku no tabata duna señal di bida. Personal di ambulans tambe a yega na e sitio pero no por a hasi nada mas pa e víktima debí na heridanan di bala ku el a risibí. Den e área ei polis a bin enkontrá ku un gran kantidat di kashi di bala ku a keda konfiská. Dòkter di polis ku tambe tabata presente, a konstatá morto di e hòmber Vensley Andries de la Paz, nasé na Kòrsou 23 di yanüari 1986. Investigashon den e kaso aki ta kontinuá. Pas na su restunan.