WILLEMSTAD,– Minister Glenbert Croes a bisa aya na Aruba ku nan kier investigá e posibilidat di haña gas entre Aruba i Kòrsou. Asina e minister a splika durante su bishita na e empresa spañó Repsol.

E petrolero di Aruba, CAP, dependientemente di su minister, ta investigando e posibilidat di koperashon ku e petrolero di Kòrsou KPG pa e eksplorashon di gas entre e dos paisnan.

Croes a manda un karta pa promé minister Gilmar Pisas pa diskutí e koperashon. Segun e minister di Aruba, e ophetivo ta pa investigá konhuntamente e indikadónan di posibilidat di Gas entre e frontera nan di Aruba i Kòrsou.

Repsol ya a realisá trabounan di boramentu eksploratorio di gas natural na e kostanan di Aruba na 2018. Na e okashon ei a inbertí 200 mion dòler, pero no a haña gas. Awor Aruba kier ekspandé e área i wak si por haña gas entre e dos islanan.