ROTTERDAM—Polis a haña notifikashon di un eksplosivo dilanti un kompania di resiklahe na Rotterdam-Charlois.

Dos anochi promé tabatin intentonan di un atentado ku eksplosivo ku polis a interseptá. Segun Omroep Rijnmond e eksplosivonan tabata intenshoná pa mesun kompaniadi resiklahe Van Leeuwen. E eksplosivo di djadumingu marduga a aktiva alrededor di 2.15. Djis despues polis a detené un sospechoso (21) algun kaya di distansia. No tabatin herido. E eksplosivo a hasi daño na e kompania. Djárason i djaweps anochi tambe polis a detené sospechosonan. Den tur dos kaso esaki a sosode promé ku e eksplosivo a aktivá. Asina polis a detené un hòmber (18) di Amsterdam ku un tas ku eksplosivo djárason anochi. EOD a desaktivá e eksplosivo. Un dia despues polis mester a bai riba e tereno atrobe pa un eksplosivo kaminda a detené un hòmber (20) di Almere. No ta konosí dikon e kompania di resiklahe tabata blanku di tres atentado ku eksplosivo.