Esaki a keda saka despues di e reunion di ayera tardi.

WILLEMSTAD,—-Mira tur loke ku a pasa djadumingu tras di lomba na salida di gran marcha di karnaval,i ku asta esaki a bira un diskushon grandi riba plataforma di fecebook.

Ku asta a bira konosí ku for di ayera durante di despedida hubenil por a tuma nota ku tabatin kontròl nan pisa riba práktikamente tur vehíkulo ku a partisipá den despedida di marcha hubenil. Esaki a pone ku ayera den ora nan di atardi tabatin un reunion ku a tuma lugá entre representante di grupo “A’Legria,Manchi Harms di “F.D.K.K.” Kuerpo Polisial i Sandy Atimadora di “A.G.K.K.”

Mester bisa ku despues di e reunion por a mira ku Sandy Atimadora a pòst un potrèt riba su página di facebook,kaminda ku e la bisa ku “Bon notisia tur kos ta tras di lomba,tur kos lo bai ta on pa mañan despedida di Gran Marcha di karnaval.

Pero no ta stroba ni kita ku awe lo bai tin kontròl severo riba diferente vehíkulo ku ta partisipá den despedida di gran marcha ku ta pone riba papel pa sali seis or di atardi. Ban spera pa tur e vehíkulo nan tin tur kos na òrdu pa asina e marcha por Sali na ora i sin ningun sorto di problema