Willemstad, 1 di desèmber 2023 – E barku krusero di e liña krusero MSC Cruises, Explora 1, a bishitá Kòrsou riba 1 di desèmber pa promé biaha.

Komo ku ta promé biaha e barku krusero aki ta bishitá Kòrsou tabata tin un seremonia inougural abordo di e barku. Durante e seremonia aki Kapitan di e barku huntu ku CPA, Minister di Desaroyo Ekonómiko, Sr. Ruisandro Cijntje, Ofisina di Turismo, nan agente, Maduro Shipping i tambe Duana a hasi interkambio di plakat Explora 1 tin un kapasidat di 1.000 pasahero krusero i a bishitá Kòrsou ku un kantidat total di 298 pasahero abordo. Riba e mesun dia tambe a bishitá Kòrsou e barku krusero Norwegian Joy ku un kapasidat total di 5.000 pasahero krusero ku 3.349 pasahero abordo. Explora 1 ta un barku kompletamente nobo ku a hasi su biahe inougural 1 di ougùstùs último for di Dinamarka. E barku aki ta kai bou di e kategoria di un barku luhoso. Si bo ke keda na altura di yegada i salida di barkunan krusero, por ‘download’ e CPA Cruise app pa mas informashon.