Ta basta zeta riba un trayektorio basta largu tabatin bashá riba kaminda.
Willemstad— E kaminda di Domi pa bai den direkshon di Nijlweg den oranan di atardi tabata tur na zeta.
Den oranan di atardi Polis a haña informashon serka outomobilistanan ku tabata hasi uso di e kaminda di Domi den direkshon di Nijlweg ku esaki tabatin basta zeta basha riba kaminda. Esaki tabata pone ku outomobilistanan mester a kondusí ku basta koutela pa evitá ku por slep. Polis ku a presentá na e sitio a sera un parti di e kaminda i mesora a pidi asistensia di Bomberonan pa yuda remediá e situashon. E personal di bombero a presentá na e sitio ku santu i a basha esaki riba e zeta pa asina por a kita e peliger. Awor ta investigando kon bini e zeta riba kaminda pa asina bai atendé ku esun responsabel.