The Towers: un desepshon pa St. Maarten ta na momento a laga sera The Towers na Mullet Bay.

Skalo—Benta di Mullet Bay na St. Maarten ta tópiko di diskushon den sirkulo polítiko na St. Maarten, despues ku Minister Interino di Finansas Públiko di St. Maarten, Ardwell Irion,  durante un rueda di prensa na Skalo den Banko Sentral a menshoná ku “benta di Mullet Bay” no ta bai sin mas!

Pero esei no te úniko remarke, sino e minister alabes a menshoná indirektamente ku e aktual gobièrnu interino, ta di akuerdo riba e benta pero bou di supervishon di nan i afirmashon di gobièrnu. Esei no ta sigur bou di e siguiente gobièrnu nobo, kual sigur ta oponentenan pa Banko Sentral manehá e tereno di Mullet Bay sin nan outorisashon. Esaki por nifiká indirektamente, ku e Resolushon Ennia Caribe Leven, no por konta sin mas riba benta di Mullet Bay pa deskontá e finansiamentu menshoná den nan pakete kual a keda presentá ku aplouso i brasamentu na prensa lokal.  Esei por nifiká ku e Resolushon Ennia, presentá na Skalo tin su restrikshonnan.