KRALENDIJK,—-Resientemente e kompania di distribushon establesé na Boneiru, Best Brands Bonaire, a lansa e serbes Karibense “Chill” na Boneiru.

Best Brands Bonaire (BBB) no ta deskonosí na Boneiru. Ku e markanan di kalidat haltu manera Coca-Cola, Fria i Bacardi i ku tin hopi aña di rekonosementu riba tereno di un eskala grandi di produkto, e General Manager Meriam van Kampen-Scholtes tabata konkluí mesora ku: ‘Esaki simplemente ta un serbes dushi, fresku produsí den nos mes region!’. Den e periodo benidero lo tin diferente okashon durante e aktividatnan relashoná ku Dia di Rincon pa duna atenshon na e produkto aki. Pues públiko ku ta riba kaya e dianan aki na diferente okashon lo haña invitashon pa purba e serbes Chill.

E mihó manera pa deskribí Chill ta, un serbes fresku produsí den region sin supstansianan pa konservá e produkto, sin suku òf otro tipo di produkto no konosí ku ta añadí. Chill ta konsentrá riba konsumidónan ku tin un estilo di bida optimista, ta selebrá bida i ta haña mas importante pa skohe eksperensianan positivo ku amigunan na lugá di tin sierto imágen. Dor ku ta bende e produkto den bleki e tin mas kontenido ku un bòter di glas i ta fria mas lihé. Naturalmente ta importante pa anda responsabel ku tur produkto ku tin alkohòl aden i tene kuenta ku e edat mínimo di 18 aña pa konsumo di esaki.

Dia 25 di mei BBB ta rifa dos pasashi pa Aruba inkluso estadia na Marriott Resort i VIP entrada pa e famoso Flip Flop Festival na kua tin diferente artista konosí lo presentá. Ta invitá konsumidónan pa kumpra Chill, yena e faktura i deponé esaki den e buzon spesial na e establesimentu ku ta partisipá. Por bishita e medionan sosial di Best Brands Bonaire pa mas informashon tokante e lansamentu di Chill.