REPUBLIKA DOMINICANA,—-Wikènt tras di lomba Irlenska Martinus “Miss Petite Hispanoamerica Bonaire” i Kaylee Winklar “Miss Petite Hispanoamerica Bonaire”, a sali rumbo pa Repúblika Dominicana kaminda nan lo representá Boneiru, na e sertámen mas gustá den Karibe. Ta trata aki di “Miss And Mister Hispanoamerica Internacional”, enkabesá pa Juan Laporte .

E sertámen mes lo tuma lugá di 1 pa 6 di ougùstùs benidero, na Punta Cana den e hotèl Caribe Club Deluxe Princess Punta Cana. Aki lo tin diferente aktividat, entre otro senanan di interkambio kultural, fashion show ku e tema trahe resiklá, kompetensia diskurso proyekto sosial, kompetensia Beach Beauty i tambe show final.

Ta asina ku e organisashon “BIATA” tin e plaser di por kompartí ku pueblo di Boneiru i mundu kompletu ku diputado James Kroon, tabata presente na momentu ku e dos reinanan aki a sali pa bai representá Boneiru. A instalá e representantenan ku e pen ofisial di “Bonaire Ambassador”.

Por sigui e sertámen via facebook: Bonaire International Art & Talent Academy i tambe Instagram: biata. foundation òf hispanoamerica_internacional pa tur detaye.

Pues e siman aki sigur tur mundu di beyesa di tantu Boneiru, pero tambe di Kòrsou, sigur lo bai ta pendiente pa sa e resultadonan di e sertámen ku su final ta djadumingu awor na Punta Cana.