Krusa: ta pronostiká “Bonnie” di bira e promé orkan na momento e krusa di Atlántiko bai Pasífiko.

Punda—Despues ku e disturbio Invest 94L a pasa Trinidad i Tobago i yega islanan ABC komo un siklon tropikal/disturbio,  no a konstatá daño na ningun di e islanan. Pero, ta spera e disturbio pa den e dianan aki risibi e nòmber di Bonnie miéntras e ta pasa racha kostanan nort di Colombia.

Pa mas di 2 siman ekspertonan a trata na pronostiká e ruta di e disturbio ku ta formando de un tormenta tropikal. E disturbio a kuminsá yega Kòrsou den oranan di mainta tempran i ya pa alrededor di 6 ‘or di atardi, ya no tabatin menasa mas. Diferente modelo a pronostiká un pasashi riba islanan ABC, pero e direkshon a opta pa skohe pa mas sùit lagando Aruba , Boneiru i Kòrsou kasi intakto.

Te ku ayera, e disturbio a sigui move west alrededor di 30 mia pa ora sin ta kousando daño indikativo te ku ayera anochi tempran. Pa wikènt awor, ta spera e “Bonnie” di yega sea Nicaragua of Costa Rica  unda lo e pasa riba e paisnan okashonando hopi derumbe i inundashon.  Ekspertonan ta pena e tormenta tin potenshal di krusa e paisnan Sentro Amérika i sigui pa oséano pasífiko. Te ainda mayoria modelo di pronóstiko a konkluí ku Bonnie lo bira e promé orkan pa e temporada di 2022. Te ku ayera anochi, e siklon tropikal tabata ubika 730 km ost di Bluefield Nicaragua.