Den e negoshi tabatin basta huma.

Willemstad—Polis i tambe Pagadónan di kandela a keda dirigí pa Boulevard Market Place na Dr. Luther King Boulevard unda e negoshi tabata yená ku huma.

Tabata den oranan di anochi ku a tuma nota di un kandela chikí ku a kuminsá den banda di negoshi Boulevard Market Place kual a pone ku e edifisio a yena ku basta huma.  Tabata trata aki di un korto sirkuito pa kual mesora a pidi presensia di e personal d Aqualectra i tambe pagadónan di kandela.  Ya na e yegada di e pagadónan di kandela no tabatin kandela mas pero si basta huma.  E personal di Aqualectra tabata atento pa asina por a deskonektá e koriente si tuma nota di algu mas serio. A keda di buska un elèktrishèn ya esaki por a tira bista kon bini e korto sirkuito a wòrdu okashoná ku a manda basta huma.