Willemstad, — Ayera djabièrnè 9 di yüni 2023 alumnonan di klas 1 di Maria College tabatin un programa adaptá ku kada mèntòr mes a prepará pa su alumnonan.

 Algun klas tabatin aktividat pafó di skol i e otronan tabatin aktividat den skol. Klas 1B ta un di e klasnan ku tabatin aktividat pafó di skol kaminda nan a bai duna un man na nos komunidat dor di limpia un parti di e área na koredor i Parasasa. Durante limpiesa alumnonan a ripará ku un tayer di outo a rementá. Mesora un par alumno di Maria College a kana bai den direkshon di e outo i a puntra e señora si nan mes por kambia e tayer di outo. E señora a keda masha kontentu i a bisa e alumnonan: ‘esta un bon yu di Kòrsou’. Maria College ta felisitá nos alumnonan di klas 1B ku e bunita gesto akí. Nos ta super orguyoso di boso. Sigui ku e bon trabou.