WILLEMSTAD ——- Polis ta pidi búskeda di e hóben Magiella Mathilda nase na Hulanda di 16 aña di edat.

Djadumingu 16 di yüli 2023, e hóben aki ku ta biba na JJIC na Kaya Brudernan di Dongen, tabata ku vakashon na su kas den fin di siman den área di Koral Specht. Den e fin di siman ei e hóben aki a bandoná kas i no a regresá. Magiella tin e siguiente deskripshon: Haltura: 1.66 m; Postura: delegá; Kara: oval; Kabei: krul maron; Koló di kueru : maron; Koló di wowo: maron skur. Ø E hóben aki tin un tatuahe di barbulete grandi na su pia règs. Polis ta supliká tur persona ku por duna kualke informashon tokante di e hóben aki pa tuma kontakto ku polis na number di telefòn 917 òf e number anónimo 108.