Willemstad—–For di djaweps siman pasa tin un turista di edat pèrdí den laman den aria di Porto Marie despues ku esaki a bai sambuya ku su famianan. E dia ei a buska pero debí na skuridat a deskontinuá ku esaki.
E búskeda relashoná ku e turista amerikano di 73 aña a kontinuá te ora solo a baha riba Djabièrnè 16 di febrüari. Despues di evaluá e situashon i di a ekstendé e área di búskeda sin ningun resultado deseá, a hasi e desishon pa kontinuá e búskeda di un manera pasivo i no aktivo. Esaki ta enserá ku a notifiká tur barku riba laman den área pa nan yuda tira un bista skèrpi i mèldu na 913 si tuma nota di e persona. Forsa na famia i amigu nan di e persona pèrdí riba laman.