Hato—Aeropuerto Internashonal di Kòrsou, orguyosamente ta menshoná di a konkluí un siman di Entrenamentu pa Rekuperashon di Avion.

E seshonnan a tuma lugá for di djaluna 11 di sèptèmber te ku djabièrnè 15 di sèptèmber den un grupo konsistiendo di empleadonan, komunidat di aeropuerto i partnernan klave. Kada partisipante a risibi informashon balioso pa enrikesé nan konosementu riba e aspekto kritiko aki di seguridat di aviashon i operashonnan en general.

 Entrenamentu pa Rekuperashon di Avion ta trata un proseso di trese un avion bek na tera òf na superfisie di awa manera ta kaso di un emergensia. E nivel di preparashon pa un situashon asina ta un aspekto mas importante i kritiko di e operashonnan, pasobra e ta trata promé ku tur kos di siguridat di pasaheronan i tripulashon na bordo durante un suseso asina. Michael Hoehenberger, COO di Curaçao Airport Partners (CAP), a indiká: “Proseduranan di rekuperashon di avion rápido i efektivo por yuda evitá situashonnan katastrófiko ku por resultá den pèrdida di bida, evitá daño sekundario na avion i daño na propiedat, manera tambe desasternan ambiental.” Un grupo di binti partisipante a risibi entrenamentu teorétiko pa kuater dia i a bai den kampo pa parti práktiko di e entrenamentu riba e último dia.

 E entrenamentu intensivo di un siman aki a wòrdu duná pa un eksperto den e tereno, Sr. John Olsen di e kompania RESQTEC. RESQTEC tin eksperiensha amplio den e industria i a por entrená miembronan klave di e operashon durante un situashon ku surgi. Partidonan interno i eksterno tur mester alinia i komuniká efektivamente bou di sirkunstansianan di strès. Preparashon i kordinashon korekto ta esensial pa e ehekushon sin problema di di prosedernan preskribí ora ku ta nesesario. “Nos ta tene entrenamentu di siguridat i seguridat kontinuamente, inkluso ku un siman anual dediká na e tema aki. Nos no ta subestimá e importansia di preparashon korekto pa Rekuperashon di Avion i a yamá e apoyo di un kompania renombrá pa yuda brindá entrenamentu adishonal na nos miembronan di tim.”, Sr. Hoehenberger a kontinuá. CAP ta enfatisá su kompromiso di reforsá e prosedernan interno pa Rekuperashon di Avion inkluso pone e ekipo nesesario na lugá i duna e atenshon nesesario na e aspekto aki, loke ta reforsá konfiansa públiko i ta parti di konformidat reglamentario.